शहिद रतनकाे स्मृतिमा
- By Kite Sansar
- June 4, 2021
- 622
- 0
कविता
शंकर दाहाल
ए शहिद तिम्रो सपना
अहिले पनि अधुरो अपुरो छ ।
त्यो कुरा तिमिलाइ थाहाँ छैन होला
हिजो तिमिले गरेको बलिदान लाइ
भजाएर, आत्मसमर्पणबादि, धोकेबाज नेताहरुले
मजाले देश चलाइ रहेका छन ।
ए, शहिद अहिले तिम्रो सम्झनामा
वर्षको एकदिन भएपनि
शहिद दिवस मनाइ तिम्रो तस्बिरमा
माल्यार्पण गर्ने गरिएको छ ।
अहिले मेलपात जाँदा वजार घुम्न जाँदा
घरायसी, झगडामा मुत्यु हुदाँ पनि
शहिद हुने अवसर पाएका छन,
अहिले शहिद को कुनै कमि छैन ।
ए, शहिद यहाँ गणतन्त्र, लोकतन्त्र,
संस्थागत नभएपनि
नेताहरुको व्यत्तिगत विकास भने
मजाले भएको छ ।
ए, शहिद, तिमि ढूक्क भए हुन्छ ।
हिजो तिमिले आन्दोलनमा खाएको गोलि
खेर गएको छैन ।
तिमिले आन्दोलनमा बगाएको रगत
खेर गएको छैन ।
ए शहिद, तिमि ढुक्क भए हुन्छ ।
गद्दार हरुले आत्मसमर्पण गरेर
पतन भएर गय पनि,
ए शहिद हामि तिम्रो सपना पुरा गरेर छोड्ने छौ ।
तिमि ढुक्क भए हुन्छ ।
एकिकृत जनक्रान्ति अगाडि बढ्दै छ ।
तिम्रो सपना पुरा गर्न ।
