चलचित्र ‘प्रेमगन्ज’ मा सम्पदा बानियाँ

• By Kite Sansar
• April 11, 2021
• 642
• 0

• कला/साहित्य

काठमाडाै – चलचित्र चौतारीको ब्यानरमा निर्माणमा हुन लागेको चलचित्र ‘प्रेमगञ्ज’ को लागि मुख्य कलाकारमा नायिका सम्पदा बानियाँ छनौट भएकी छन् । यस अघि अडिसनमार्फत केही कलाकारहरु छनौट भएका थिए । चलचित्रमा नायक तेजगिरी र नायिकामा बेनिशा हमालसंगै सम्पदा पनि छनोट भएकी हुन् । यस चलचित्र त्रिकोणात्मक विशुद्ध प्रेम कथामा आधारित रहेको निर्देशक परिच्छेद सेनले जानकारी दिए ।

यसअघि नै चलचित्रका लागि सुप्रिया खनाल, राइडर प्रशान्त, सिमरन खड्का र आयुषी ढकाललाई अडिसनबाट छानिसकेका छन् । यस चलचित्रमा अन्य कलाकार शिशिर राणा, रश्मी भट्ट, पबन भट्टराई, सन्जोग रसाइली, गिता अधिकारीलगाएतको अभिनय रहने छ भने सञ्जय लामाले छायांकन गर्ने भएका हुन् । बिगत २५ बर्ष देखि नेपाली चलचित्र जगतमा स्पोट ब्वाईको रुपमा काम गर्दै आएका राजु फुयाँल निर्माता रहेको यो चलचित्रका कार्यकारी निर्मातामा अनन्तमान श्रेष्ठ रहेका छन् । यो चलचित्र बैशाख पहिलो साताबाट छायांकनमा जाने बताईएको छ ।