साढे पाँच अर्ब लागतमा बन्दै छ संघीय संसद् भवन

• By Kite Sansar
• March 10, 2021
• 384
• 0

• राजनीति
• समाचार

२०६२/६३ सालपछि मुलुकको राजनीतिमा धेरै उथलपुथल भयो। बहुदलीय व्यवस्थाबाट मुलुक लोकतन्त्र हुँदै गणतन्त्रसम्म आइपुगेको छ। तर, दुर्भाग्य, मुलुकको राजनीतिक घटनाक्रम तीव्र गतिमा परिवर्तन भए पनि १२ वर्षसम्मको अवधिमा भने नेपालको विधायिकी अंग अर्थात प्रतिनिधिसभा तथा राष्ट्रियसभा अझै पनि नयाँ बानेश्वरस्थित अन्तर्राष्ट्रिय सम्मेलन केन्द्रमा भाडाकै भवनमा काम चल्दै आइरहेको छ। तर, अबको दुई वर्षभित्रै संघीय संसद्को झकिझकाउ तथा आफ्नै स्वामित्वको भवन तयार हुँदैछ। 

नागरिक दैनिकले लेखेको छ।

केपी शर्मा ओली नेतृत्वको सरकारले सिंहदरबारस्थित पुतलीबगैंचा वरपरको १५१ रोपनी क्षेत्रफल जग्गामा ८ वटा मुख्य भवनसहित १२ वटा अत्याधुनिक भवन निर्माण गर्दैछ। सरकारले आफ्नै संसद् भवनको अभाव परिपूर्ति गर्न मूल्य अभिवृद्धि कर (भ्याट) सहित पाँच अर्ब ६८ करोड ३९ लाख रूपैयाँलगायतमा सिंहदरबारमा आफ्नै भवन निर्माण गर्दै आइरहेको छ।

सहरी तथा भवन विभाग मातहतको विशेष भवन निर्माण आयोजना समन्वय कार्यालय आयोजना निर्देशक दिलिप शेखर श्रेष्ठले संघीय संसद् भवन काठमाडौंको स्थानीय वास्तुकला झल्कने खालको निर्माण गरिने बताए।

Source: NepalNews