कोरोनाका कारण सिर्जित समस्याबारे तत्काल योजना बनाएर अघि बढ्न प्रधानमन्त्रीको निर्देशन
- By Kite Sansar
- September 8, 2020
- 282
- 0
काठमाण्डु –प्रधानमन्त्री केपी शर्मा ओलीले कोभिड–१९ का कारण सिर्जित समस्याको सम्बोधन गर्नेगरी तत्काल योजना बनाएर अघि बढ्न निर्देशन दिएका छन् । मंगलबार स्वास्थ्य मन्त्रालय सम्बद्ध सरकारी र निजी क्षेत्रका निकायहरूलाई सक्रिय हुन निर्देशन दिएका हुन् ।
बालुवाटारमा मनोचिकित्सकहरूसँग आयोजित परामर्श र छलफलका क्रममा उनले निराशा, दिक्दारी, भय र त्रास मुक्त समाज निर्माण गर्नसमेत मनो चिकित्सकहरूको विशेष योगदान हुने बताए ।
उक्त अवसरमा प्राडा सुदर्शन नरसिंह प्रधान, डा् पशुपति महत, प्राडा सरोजप्रसाद ओझा, प्राडा दिव्यासिंह शाह, डा. रितेश थापा, डा. सगुन पन्त, डा. अनन्त अधिकारी, डा. फणिन्द्र बराल र डा रोशन पोखरेल लगायतका सम्बन्धित विज्ञहरूको उपस्थिति रहेको थियो
उनीहरुले प्रधानमन्त्रीसमक्ष यतिबेला अपनाउनुपर्ने अल्पकालीन र दीर्घकालीन उपायहरू प्रस्तुत गरेका थिए ।
प्रधानमन्त्रीले बैठकमा भने, ‘कोभिड–१९ को प्रभावविरूद्ध व्यापक परामर्श तथा सचेतनता अभियान संचालन गर्न, टेलिभिजन र रेडियोलगायत सञ्चार माध्यमहरूबाट तत्काल परामर्श र चेतना फैलाउनु आवश्यक छ । यसमा मनोचिकित्सकहरूले सक्रिय योगदान गर्नुपर्छ ।’
source : kathmandupati.com
