दलिनमा धुवाँ लागेको खाम छ

• By Kite Sansar
• August 25, 2020
• 590
• 0

• समाचार
• समाज/संस्कृति

गजल

नमिता दवाडी

सहारा भन्नू दलिनमा धुवाँ लागेको खाम छ ।

सरकार! घरको खुसी वर्षौंदेखि गुमनाम छ ।

बुझ्दिनँ यो सन्सार हुन्छ केही, देखिन्छ केही,

ओठ फिस्स हाँस्छन्, शरीरमा निलडाम छ ।

मसँग मेरो आकाश यस कारण, रिसाएको हो,

जब भनेँ प्रियकै आँखामा मेरो जून छ,घाम छ ।

अरूको दुखले छुँदैन मान्छेलाई, बेमान्छे भयौ,

आफ्नै मन कुल्चिएर सोध्न सक्यौ, आराम छ ?