बान्नीगढी गाउँपालिकाले गर्यो काठमाडौमा बस्नेहरुलाई राहत बितरण
- By Kite Sansar
- April 28, 2020
- 524
- 0
काठमाडौ विश्वभर नै तवाह फैलाईरहेको कोरोना भाईरस (कोभिड–१९) को संक्रमणलाई फैलिन नदिन देशव्यापि रुपमा गरिएको लकडाउन (बन्दाबन्दी) का कारण काठमाडौमा रहेका व्यक्तिहरुलाई बान्नीगढी जयगढ गाउँपालिकाले राहत वितरण गरेको छ ।
अछाम जिल्लाको बान्नीगढी जयगढ गाउँपालिका मा स्थायी बसोबास भई हाल विभिन्न काम व्यावसाय, अध्ययन र उपचारको शिलशिलामा काठमाडौमा आई बसेका नागरिकलाई गाउँपालिकाले राहत वितरण गरेको हो ।
करिब एक महिना भन्दा लामो लकडाउनका कारण जनजिवन अस्तव्यस्त भईरहेका बेला विद्यार्थिहरु, मजदुरहरु र अन्य नागरिकलाई दैनिक उपभोग्य खाद्य सामाग्री राहत स्वरुप वितरण गरिएको छ । सो कार्यको लागि सम्बन्धित सरोकारवाला व्यक्ति र अगुवाहरुलाई सहजीकरण गरि सहयोग गरिदिनहुन बान्नीगढी जयगढ गाउँपालिकाले एक विज्ञप्ति मार्फत सबैमा अनुरोध गरेको छ । तत्पश्चात काठमाडौमा रहेका विभिन्न समाजसेवी युवाहरुले प्रत्येक व्यक्तिको घरघरमा गएर राहत सामाग्री उपलब्ध गराएका थिए ।
राहत बितरणक केहि तस्विरहरू
