जडिबुटीमा टिपर र स्कुटर दुर्घटना हुदा , एकको मृतु | स्थानीय द्वारा टिपरमा आगजनी
- By developer
- June 13, 2018
- 1.95k
- 0
काठमाडौं– राजधानीको जडिबुटीमा ट्रिपरले स्कुटरलाई ठक्कर दिएसँगै आक्रोशित स्थानीयले ट्रिपरमा आगजनी गरेका छन् ।
बुधबार मध्यान्ह बा४ख ३५५८ नम्बर ट्रिपरले बा७०प ९३९९ नम्बरकाे स्कुटरलाई ठक्कर दिएसँगै आक्रोशित स्थानीय आगजनीमा उत्रिएका हुन् ।
आगजनीबाट ट्रिपर क्षतिग्रस्त बनेको छ । दुर्घटनामा काभ्रेकी अस्मिता भण्डारीको मृत्यु भएको महानगरीय प्रहरी प्रभाग कोटेश्वरका इक्सपेक्टर राजु लामाले बताए । यस्तै उनका श्रीमान आषिश जोशी घाइते भएका छन् । उनको बीएण्डबी अस्पतालमा उपचार भइरहेको पनि लामाले बताए । स्कुटर जोशीले हाँकेको बताइएको छ ।
दुर्घटनापछि पेप्सिकोला , कोटेश्वरबाट र लोकन्थलीबाट जडिबुटीतर्फ जाने सवारी साधनहरु प्रभावित भएका छन् । स्थानीयले अहिले चालकमाथि कडा कारबाहीको माग गर्दै सडकमा नाराबाजी गरिरहेका छन् ।
ताजा समाचार
